ಸಗಣಿಯಲ್ಲಿ ತಿಂಗಳಿಗೆ ಎರಡು ಲಕ್ಷ ಆದಾಯ ಗಳಿಕೆ..!

ಹೌದು ತಿಂಗಳಿಗೆ ಎರಡು ಲಕ್ಷ ಹೇಗೆ ಗಳಿಸಬಹುದು ಅದು ಸಗಣಿಯಿಂದ ಅಂತ ಯೋಚನೆ ಮಾಡಬೇಡಿ ಸಗಣಿಯಿಂದ ಹೇಗೆ ಹಣ ಗಳಿಸಬಹುದು ಅನ್ನೋದು ಇಲ್ಲಿದೆ ನೋಡಿ.

ಸರ್ಕಾರ ಮಾರುಕಟ್ಟೆಯಲ್ಲಿ ಪ್ಲಾಸ್ಟಿಕ್ ಬಳಸುವುದನ್ನು ನಿಷೇಧ ಮಾಡಿದೆ, ಇದೇ ಕಾರಣಕ್ಕಾಗಿಯೇ ಪೇಪರ್ ನಿಂದ ತಯಾರಾಗಿರುವ ಕೈಚೀಲಗಳಿಗೆ ಬಹಳಷ್ಟು ಬೇಡಿಕೆ ಶುರುವಾಗಿದೆ, ಹಾಗೂ ಪೇಪರ್ ಕೈಚೀಲಗಳು ಪರಿಸರಪ್ರೇಮಿಗಳ ಆದ್ಯತೆಯು ಆಗಿದೆ, ಹಾಗಾಗಿ ಪರಿಸರಸ್ನೇಹಿ ಪೇಪರ್ ಕೈಚೀಲಗಳ ಉತ್ಪಾದನೆಗೆ ಸುಲಭ ಉಪಾಯಗಳ ಬಗ್ಗೆ ಯೋಚನೆ ಮಾಡುವುದು ಒಳ್ಳೆಯದು.

ಪರಿಸರಸ್ನೇಹಿ ಪೇಪರ್ ಕೈಚೀಲವನ್ನು ತಯಾರುಮಾಡಲು ಹಸುವಿನ ಸಗಣಿಯನ್ನು ಬಳಸಬಹುದಾಗಿದೆ, ಅಷ್ಟೇ ಅಲ್ಲದೆ ಹಸುವಿನ ಸಗಣಿಯಿಂದ ಪೇಪರ್ ತಯಾರು ಮಾಡಿ ಪ್ರತಿ ತಿಂಗಳಿಗೆ ಲಕ್ಷ ಲಕ್ಷ ಹಣ ಮಾಡುವ ಅವಕಾಶವೂ ಇದೆ.

ಹಾಗಾದರೆ ಕಾಗದ ತಯಾರಿಕೆ ಮಾಡುವುದು ಹೇಗೆ : ಹಸುವಿನ ಸಗಣಿಯಿಂದ ಪೇಪರ್ ತಯಾರು ಮಾಡಬಹುದು ಎಂದರೆ ನಿಮಗೆ ಆಶ್ಚರ್ಯವಾಗಬಹುದು, ಆದರೆ ಇದು ಸತ್ಯ ಸಗಣಿ ಮೂಲಕ ಪೇಪರ್ ತಯಾರಿಸುವ ವ್ಯವಹಾರ ಆರಂಭಿಸಬಹುದಾಗಿದೆ, ಸರ್ಕಾರವು ಗೊಬ್ಬರ ಕಾಗದ ತಯಾರಿಸುವ ಪ್ರಯೋಗದಲ್ಲಿ ಯಶಸ್ವಿಯಾಗಿದೆ, ಅಷ್ಟೇ ಅಲ್ಲದೆ ಎಂಎಸ್ಎಂಇ ಸಚಿವಾಲಯವು ದೇಶದ ಪ್ರತಿ ಮೂಲೆಯಲ್ಲೂ ಗೊಬ್ಬರದ ಕಾಗದ ತಯಾರುಮಾಡುವ ಪ್ಲಾಂಟ್ ಸ್ಥಾಪಿಸುವ ಯೋಜನೆ ಮಾಡುತ್ತಿದೆ.

ಗೊಬ್ಬರದ ಕಾಗದ ತಯಾರಿಕೆಗೆ ಗೊಬ್ಬರದಿಂದ ಶೇಕಡ ಏಳರಷ್ಟು ಪ್ರಮಾಣ ಉಪಯುಕ್ತ ಮೆಟಿರಿಯಲ್ ಸಿಗುತ್ತದೆ, ಉಳಿದ 93ರಷ್ಟು ಗೊಬ್ಬರವನ್ನು ವೆಜಿಟೇಬಲ್ ಡೈ ಗೆ ನೀವು ಬಳಸಬಹುದಾಗಿದೆ, ಇದು ಸಂಪೂರ್ಣವಾಗಿ ಪರಿಸರಸ್ನೇಹಿ ಯಾಗಿರುವುದರಿಂದ ಬೇಡಿಕೆಯೂ ಹೆಚ್ಚಿದೆ, ಹಾಗೂ ರಫ್ತಿಗೂ ಮುಕ್ತ ಅವಕಾಶವಿದೆ, ರೈತರಿಂದ ಹಸುವಿನ ಸಗಣಿಯನ್ನು ಪ್ರತಿ ಕೆಜಿಗೆ 5 ರೂಪಾಯಿಯಂತೆ ಖರೀದಿ ಮಾಡಬಹುದು, ಇದರಿಂದ ರೈತರಿಗೂ ಲಾಭದಾಯಕವಾಗುತ್ತದೆ ಸರ್ಕಾರ ಕೂಡ ಇದಕ್ಕೆ ನೆರವಾಗುತ್ತದೆ.

ತಗಲಬಹುದಾದ ಖರ್ಚು : ನೀವು ಗೊಬ್ಬರದ ಕಾಗದದ ಪ್ಲಾಂಟ್ ಸ್ಥಾಪಿಸಬೇಕಾದರೆ ನಿಮಗೆ ಸರಿ ಸುಮಾರು 15 ಲಕ್ಷ ಖರ್ಚು ಬೀಳಲಿದೆ, ಚಿಂತೆಬೇಡ ಇಂತಹ ಕರ್ಚು ಬರಿಸಲು ಸರ್ಕಾರದಿಂದ ಸಾಲ ಸೌಲಭ್ಯಗಳು ಸಿಗುತ್ತದೆ, ಇವುಗಳ ಲಾಭವನ್ನು ಪಡೆದುಕೊಂಡು ಒಂದು ಪ್ಲಾಂಟ್ನಲ್ಲಿ ಒಂದು ತಿಂಗಳಿಗೆ ಒಂದು ಲಕ್ಷ ಕಾಗದದ ತಯಾರಿಸಿ ಮಾರಾಟ ಮಾಡಬಹುದು. ಸಂಗ್ರಹ ಮಾಹಿತಿ ಗುರು.