ನಿದ್ರಾಹೀನತೆ, ಒತ್ತಡ, ರೋಗನಿರೋಧಕ ಶಕ್ತಿ ಹೆಚ್ಚಿಸಲು ಮತ್ತು ಅನಾಬೊಲಿಕ್ ಔಷಧಿ ಬಳಸಲು ಅದರ ಗುಣಲಕ್ಷಣಗಳಿಗೆ ಪ್ರಮುಖವಾಗಿ ಹೆಸರುವಾಸಿಯಾದ ಅಶ್ವಗಂಧವು ವಿವಿಧ ಆರೋಗ್ಯ ಪರಿಸ್ಥಿತಿಗಳನ್ನು ಎದುರಿಸಲು ವ್ಯಾಪಕವಾಗಿ ಬಳಸಲಾಗುವ ಒಂದು ಗಿಡಮೂಲಿಕೆ ಔಷಧಿಯಾಗಿದೆ. ಅಶ್ವಗಂಧವನ್ನು ವಿಂಟರ್ ಚೆರ್ರಿ ಅಥವಾ ಇಂಡಿಯನ್ ಜಿನ್ಸೆಂಗ್ ಎಂದೂ ಕರೆಯುತ್ತಾರೆ. ತಜ್ಞ ವೈದ್ಯ ಡಾ. ರಂಗನಾಯುಕುಲು, ಆಯುರ್ವೇದದಲ್ಲಿ ಪಿಹೆಚ್‌ಡಿ ಮುಗಿಸಿರುವ ಇವರ ಪ್ರಕಾರ, ವಿಥಾನಿಯಾ ಸೋಮ ಸೋಲಾನೇಶಿಯ ಜಾತಿಗೆ ಸೇರಿದ ಸಸ್ಯವಾಗಿದೆ ಎಂದು ವಿವರಿಸುತ್ತಾರೆ.ಇದು ದೀರ್ಘಕಾಲಿಕ ಸಸ್ಯ. ಇದರ ಮೂಲ ಔಷಧೀಯ ಬಳಕೆಗಳಿಗೆ ಉತ್ತಮವಾಗಿದೆ. ಅಶ್ವಗಂಧ ಭಾರತದಾದ್ಯಂತ ಬೆಳೆಯುತ್ತದೆ ಮತ್ತು ಹೆಚ್ಚಾಗಿ ಬೇಸಿಗೆ ಕಾಲದಲ್ಲಿ ಅದರ ಬೆಳವಣಿಗೆಯು ಉತ್ತಮವಾಗಿರುತ್ತದೆ.
ಅಶ್ವಗಂಧದ ಒಣಗಿದ ಕಾಂಡಗಳು ಮತ್ತು ಪುಡಿ ಸೇರಿ ವಿವಿಧ ರೂಪಗಳಲ್ಲಿ ಮಾರುಕಟ್ಟೆಯಲ್ಲಿ ಸುಲಭವಾಗಿ ಲಭ್ಯವಿದೆ ಎಂದು ಡಾ.ರಂಗನಾಯುಕುಲು ತಿಳಿಸಿದ್ದಾರೆ. ಇದಲ್ಲದೆ, ಸಿದ್ಧಪಡಿಸಿದ ಉತ್ಪನ್ನಗಳಾದ ಘೃತಮ , ಕ್ವಾಥಾ ಅರಿಸ್ಟಾ ಚೂರ್ನಾ ಲೆಹ್ಯಾ ಮತ್ತು ಟ್ಯಾಬ್ಲೆಟ್ ರೂಪಗಳು ಆಯುರ್ವೇದ ವೈದ್ಯಕೀಯ ಅಂಗಡಿಗಳಲ್ಲಿ ಮತ್ತು ಕೆಲ ವೈದ್ಯಕೀಯ ಅಂಗಡಿಗಳಲ್ಲಿ ಲಭ್ಯವಿದೆ.
1 ರಿಂದ 3 ಗ್ರಾಂ ಅಶ್ವಗಂಧ ಬೇರಿನ ಪುಡಿಯನ್ನು ಹಾಲು ಅಥವಾ ತುಪ್ಪ ಅಥವಾ ಬೆಚ್ಚಗಿನ ನೀರಿನಿಂದ 15 ದಿನಗಳವರೆಗೆ ತೆಗೆದುಕೊಂಡರೆ ಯೌವ್ವನಯುಕ್ತ ತ್ವಚೆಯಂತೆ ಹೊಳಪು ಬರಲಿದೆ. ದೇಹದ ತೂಕ ಹೆಚ್ಚಿಸುವವರಿಗೆ ಉತ್ತಮ. ಸಕ್ಕರೆ ಮತ್ತು ಬೆಚ್ಚಗಿನ ಹಾಲಿನೊಂದಿಗೆ ಬೆರೆಸಿದ 2 ರಿಂದ 4 ಗ್ರಾಂ ಅಶ್ವಗಂಧ ಪುಡಿಯನ್ನು ತೆಗೆದುಕೊಳ್ಳಿ. ಇದು ನಿದ್ರಾಹೀನತೆ ನಿವಾರಿಸುತ್ತದೆ ಮತ್ತು ಉತ್ತಮ ನಿದ್ರೆ ಉಂಟು ಮಾಡುತ್ತದೆ. ಇದು ಆತಂಕ, ನರರೋಗದ ಲಕ್ಷಣಗಳನ್ನು ಕಡಿಮೆ ಮಾಡುತ್ತದೆ ಮತ್ತು ಖಿನ್ನತೆ ಶಮನಕಾರಿ ಮತ್ತು ಸೈಕೋಟ್ರೋಪಿಕ್ ಔಷಧದಂತೆ ಕಾರ್ಯನಿರ್ವಹಿಸುತ್ತದೆ. ಬಂಜೆತನ ನಿವಾರಣೆಗೆ ಅಶ್ವಗಂಧ ಕಷಾಯದಿಂದ ತಯಾರಿಸಿದ ತುಪ್ಪ ಮತ್ತು ಹಾಲು ಸೇವಿಸಬಹುದು ಅಶ್ವಗಂಧದ 20 ಮಿಲಿ ಕಷಾಯವನ್ನು ಪ್ರತಿದಿನ ಸೇವಿಸುವುದರಿಂದ ಮೂತ್ರ ನಿಗ್ರಹದಂತ ಸಮಸ್ಯೆ ನಿವಾರಣೆಯಾಗುತ್ತದೆ. ಮೂತ್ರ ವಿಸರ್ಜನೆಯಲ್ಲಿ ನಿರಾತಂಕ, ನಿರ್ಜಲೀಕರಣ, ಮೂತ್ರಪಿಂಡದ ತೊಂದರೆಗಳು ನಿವಾರಣೆಯಾಗುತ್ತದೆ.ಇವಷ್ಟೇ ಅಲ್ಲ ಅಶ್ವಗಂಧ ಬ್ಯಾಕ್ಟೀರಿಯಾ ಕೊಲ್ಲುತ್ತದೆ, ಆಂಟಿಪೈರೆಟಿಕ್ ನೋವು ನಿವಾರಕ, ಉರಿಯೂತ, ಸ್ನಾಯುವಿನ ಚಲನೆಯನ್ನು ಸರಾಗಗೊಳಿಸುತ್ತದೆ ಎಂದು ಡಾ.ರಂಗ ನಾಯಕುಲು ತಿಳಿಸಿದ್ದಾರೆ.