ದುಬಾರಿ ತ್ವಚೆ ಉತ್ಪನ್ನಗಳನ್ನು ಬಳಸಿದ ನಂತರವೂ ಹಲವು ಬಾರಿ ಮುಖದ ಮೇಲೆ ಬೇಕಾದ ಹೊಳಪು ಬರುವುದಿಲ್ಲ, ಏಕೆಂದರೆ ಕೆಲಸದ ಒತ್ತಡ ಮತ್ತು ಆಯಾಸದಿಂದಾಗಿ, ನಿಮ್ಮ ಮನಸ್ಸು ಮತ್ತು ದೇಹವು ಒಟ್ಟಿಗೆ ವಿಶ್ರಾಂತಿ ಪಡೆಯಲು ಸಾಧ್ಯವಾಗುವುದಿಲ್ಲ. ಕೆಲವೊಮ್ಮೆ ನಿಮ್ಮ ನಿದ್ರೆ ಪೂರ್ಣಗೊಂಡಿದೆ ಎಂದು ನೀವು ಭಾವಿಸಿದರೂ ಇನ್ನೂ ದೇಹವು ದಣಿದಂತಿರುತ್ತದೆ. ಕೆಲವೊಮ್ಮೆ ಹಲವು ಗಂಟೆಗಳ ಕಾಲ ಮಲಗಿದ ನಂತರವೂ ನಿದ್ರೆ ಮುಂದುವರಿಯುತ್ತದೆ. ಈ ಸ್ಥಿತಿ ಉಂಟಾದಾಗ, ಚರ್ಮವು ವಿಶ್ರಾಂತಿ ಪಡೆಯಲು ಸಾಧ್ಯವಾಗುವುದಿಲ್ಲ ಮತ್ತು ದುಬಾರಿ ಕ್ರೀಮ್‌ಗಳು, ಫೇಶಿಯಲ್‌ಗಳು ಮತ್ತು ಫೇಸ್ ಪ್ಯಾಕ್‌ಗಳನ್ನು ಹಚ್ಚಿದ ನಂತರವೂ ಮುಖವು ಕಳೆಹೀನವಾಗಿರುತ್ತದೆ.
ಹೊಳೆಯುವ ಚರ್ಮವನ್ನು ಪಡೆಯಲು ನಿಮ್ಮ ಮನಸ್ಸು ಮತ್ತು ದೇಹ ಸಂಪೂರ್ಣವಾಗಿ ಆರಾಮವಾಗಿರುವುದು ಬಹಳ ಮುಖ್ಯ. ಕೇಸರಿ ಹಾಲು ಈ ಕೆಲಸದಲ್ಲಿ ನಿಮಗೆ ತುಂಬಾ ಸಹಾಯ ಮಾಡುತ್ತದೆ. ಕೇಸರಿ ಒಂದು ಆಯುರ್ವೇದ ಔಷಧವಾಗಿದ್ದು ಮಾನಸಿಕ ಒತ್ತಡವನ್ನು ನಿವಾರಿಸಲು ಕೂಡ ಇದನ್ನು ಬಳಸಲಾಗುತ್ತದೆ. ಕೇಸರಿಯನ್ನು ಶತಮಾನಗಳಿಂದಲೂ ಚರ್ಮವನ್ನು ಸುಂದರವಾಗಿ ಮತ್ತು ತಾರುಣ್ಯವಾಗಿಡಲು ಬಳಸಲಾಗುತ್ತಿತ್ತು ಮತ್ತು ಅದರ ಕ್ರೇಜ್ ಇಂದಿಗೂ ಮುಂದುವರಿದಿದೆ. ಏಕೆಂದರೆ ಇದು ಅತ್ಯಂತ ಪರಿಣಾಮಕಾರಿ ಔಷಧವಾಗಿದೆ. ಇದು ಮನಸ್ಸು ಮತ್ತು ದೇಹವನ್ನು ಏಕಕಾಲದಲ್ಲಿ ಗುಣಪಡಿಸುವ ಕೆಲಸ ಮಾಡುತ್ತದೆ.
ಎರಡು ಚಮಚ ಹಾಲನ್ನು ತೆಗೆದುಕೊಂಡು ಅದರಲ್ಲಿ ಎರಡರಿಂದ ಮೂರು ಕೇಸರಿ ದಳಗಳನ್ನು ನೆನೆಸಿ. ಹಾಲು ಕುಡಿಯುವುದಕ್ಕೆ ಕನಿಷ್ಠ 10 ರಿಂದ 15 ನಿಮಿಷಗಳ ಮೊದಲು ಇದನ್ನು ಮಾಡಿ. ನೀವು ಹಾಲು ಕುಡಿಯಲು ಬಯಸಿದಾಗ ಒಂದು ಲೋಟ ಹಾಲನ್ನು ತೆಗೆದುಕೊಂಡು ಅದನ್ನು ಉಗುರು ಬೆಚ್ಚಗೆ ಮಾಡಿ. ಹಾಲು ಬಿಸಿಯಾಗಿರದೆ ಉಗುರುಬೆಚ್ಚಾಗಿರಬೇಕು ಎಂಬುದನ್ನು ನೆನಪಿನಲ್ಲಿಡಿ. ಉಗುರುಬೆಚ್ಚನೆಯ ಹಾಲಿನಲ್ಲಿ ಕೇಸರಿಯನ್ನು ಬೆರೆಸಿಟ್ಟ ಎರಡು ಚಮಚ ಹಾಲನ್ನು ಸೇರಿಸಿ. ಕೇಸರಿಯ ಬಣ್ಣ ತಕ್ಷಣವೇ ಹಾಲಿಗೆ ಬಂದಿರುವುದನ್ನು ನೀವು ಗಮನಿಸುವಿರಿ. ಈಗ ನೀವು ಈ ಒಂದು ಲೋಟ ಹಾಲಿನಲ್ಲಿ 1 ರಿಂದ 2 ಚಮಚ ಜೇನುತುಪ್ಪ ಕಲ್ಲು ಸಕ್ಕರೆ ಅಥವಾ ಸಕ್ಕರೆಯನ್ನು ಸೇರಿಸಬಹುದು. ಹಾಲಿನ ಪೌಷ್ಠಿಕಾಂಶವನ್ನು ಹೆಚ್ಚಿಸಲು ನೀವು ನುಣ್ಣಗೆ ಕತ್ತರಿಸಿದ ಡ್ರೈಫ್ರೂಟ್ಸ್‌ಗಳನ್ನು ಅಥವಾ ಬಾದಾಮಿ ಪುಡಿಯನ್ನು ಕೂಡ ಸೇರಿಸಬಹುದು.